إذا دخلت فلوسي في الأسهم السعوديه؟‎

[صهـ الفجر ــيل]

كان فيه واحد " على نياته " ..


جرّب يستثمر أمواله !


وكان عنده ببغاء يتكلم ..


مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..


راعيه ضاق صدره ... وقرر ياخذ الببغاء لمدرب الطيور علشان يعدّله ..


: يا مدرب الطيور ....


شف لك صرفة مع هذا الببغاء ...


كل ما شافني فشلني عند الناس " غبي ، غبي " !


أبيك تدربه زين وتعدّل كلامه ..


علشان يغيّر هالكلمات الي يرددها كل ما شافني


قال المدرب : ما عليك .. خلّه عندي كم يوم ..





ولما راح راعيه .. جاب المدرب " سطل " مويه حاااارة ...


وحطه قدامه ... وسأل الببغاء ..


: أنا مين ؟ !


قال الببغاء : أنت صديق الغبي ! ..


وينزله المدرب في المويه الحاااره ثم يطلّعه .. ويسأله ...


: أنا مين ؟


قال : أنت صديق الغبي ..


وينزله في الموية مرة ثانية .. ثم يطلعه ...


: أنا مين ؟


.. وعلى هالحال .. حتى تربى الببغاء وتسنّع ..


أخيرا .... قال له المدرب ...


: أنا مين ؟ !


قال الببغاء : أنت صديق أذكى واحد في العالم ..


ويوم جا راعي الببغاء .. قال المدرب : تفضل اسأله ..


قال راعي الببغاء .. : أنا مين ؟!


قال الببغاء : أنت مين ؟! وهذا سؤال !! ... أنت الذكي ....


إلا أنت أذكى واحد عرفته في حياتي !


قال له راعيه : .. طيّب ..


وإذا لعبت بفلوسي على كيفي ؟!


قال الببغاء : .. هذي فلوسك .. من عرق جبينك ..


تسوي فيها اللي تبي ..


قال : طيّب .. إذا دخّلت فلوسي عند " هابتكو " ؟ !


قال الببغاء : ممتاز .. حركة استثمارية في غاية الذكاء ....


ومن أذكى واحد في العالم ...


: طيّب ... وإذا دخلت فلوسي عند " الجمعة " ؟ ..


: طبيعي .. تنويع استثماري ... من أذكى واحد في العالم !


: طيّب ... وإذا دخلت فلوسي عند " ابن حسن " ؟ ..


: ذكاء خارق ... وماشي مع الحكمة اللي تقول " لا تحط البيض


في سلة واحدة " ... فعلا أذكى واحد في العالم !


: طيّب ... وإذا دخلت فلوسي عند " العيد " ؟ ..


: عادي ... وزي ما يقولون " حشر مع الناس عيد " ....


صحيح إنك أذكى واحد في العالم ..


: ... طيّب .. وإذا دخلت فلوسي في سوق الاسهم السعوديه؟ !


قال الببغاء : يا عمي هاااات الموية ! .....


قايلّك هذا أغبى وأثور وأدبش واحد في العالم !!

[الفاهم]

ههههههههههههههههههههههههههههه


حلوة مرة ،،،، يعطيك العافية حبيبنا الغالي


بس تصدق مستشار جيد

[}آحـْ ــسًٍـاس العـالـم{]

ههههههههههههههههههههههههههههه
ههههههههههههههههههههه

أبــصرآآآآآآآآآآآآآآآآحــه
تمووووووووووووووت من الضحـك
الله يقطع أبليسكـ ياصهيل الفجر.

أعجبتني العبارة : (("ياعمي هات المويه : قايلك إن هذا أغبى وأثور وأدبش واحد في العالم "))

مثلما أضحكتني جـ ع ــل الضحكة والبسمة ماتفارق شفـاتك
جزاك الله ألـــ 1000 ــــف خـــير علـى هذا الموضوووووع
تقبل تحيــاتي ....!
http://www.alhnuf.com/up/pics-gif/upload/uploads/images/a-2198691230.gif (http://www.alhnuf.com)

[صهـ الفجر ــيل]

ههههه

هو مستشار مستشار لكن ............

اشكرك على تواجدك العطر عزيزي الفاهم

[صهـ الفجر ــيل]

تسلم لي يا الغالي احساس

عسى ايامك سعادة وفرحة

اشكرك لك تواجدك الذي ينير صفحاتي