{الموت هيّـن والبلـى وش ورا المـوت}

[أضواء الشرقية]

قصيدة وعظية ...

للشاعر سعد بن ناصر الهماش رحمه الله

الموت هيّن والبلـى وش ورى المـوت "" عنـد الحسـاب يهـون سهـم المنايـا
باكر نموت وتصبـح قبورنـا بيـوت "" وعقـب القصـور لضيقـات الزوايـا
في جوف الأرض وكل من حولنا سكوت "" وتعاقبـن بالقبـر عــوج الحنـايـا
يـارب يامنجـي نبيـك مـن الحـوت "" سترك وعفـوك يـوم كشـف الغطايـا
باكر ليا جينـا علـى داعـي الصـوت "" شيبـان واطفـال وشبـاب وصبـايـا
ندعـى وحنـا بيـن باكـي ومبهـوت "" رحنـا لهـا ننقـاد مـثـل السبـايـا
يـارب تهدينـي قبـل لحظـة المـوت "" وتغفـر ذنوبـي ياكـريـم العطـايـا
أشكيك هـمٍ داخـل الصـدر مكبـوت "" وايامـي الـلـي بالخطـايـا مـلايـا
ان لاذ بك من كـان ضايـع ومبهـوت "" فـي مـن يلـوذ المرتكـب للخطـايـا
يـارب ياقـادر علـى كـل طاغـوت "" لاياقـف اللـي وحـدوبـك خـزايـا
رحماك لامنـا صحينـا مـن المـوت "" واليـا وقفنـا عنـد بـابـك عـرايـا

[ابو عبد العزيز]

باكر نموت وتصبـح قبورنـا بيـوت "" وعقـب القصـور لضيقـات الزوايـا
في جوف الأرض وكل من حولنا سكوت "" وتعاقبـن بالقبـر عــوج الحنـايـا










بارك الله فيكم قصيده تذكر الانسان بما سوف يؤول اليه بعد هذه الدنياالفانيه حتى وان كان يملك نايفات القصور والابراج فمصيره الى تلك الحفره وذلك البيت الموحش

[أضواء الشرقية]

الله يجزاك كل خير مشرفنا أبو عبدالعزيز

و يعطيك العافية ..........