صوتك و صوت امي اكبار المكاسيب!!

[أضواء الشرقية]

من أروع ما قيل عن الوالدين
خنقتني العبرةيوم سمعتها... لذلك اترككم مع القصيده...


بيت يا بيت الكرم و المواجيب || للحين شامخ بين طول العمارات

تدري و ش اللي مبعدن عنك العيب || و اللي رفع قدرك بجنب الطويلات

راعيك باني طوفتك طيب من طيب || و الساس من عزة و مهابة ومروات

ديوانك امشرع إلعكف الأشانيب || بأدهلك يا قاطع ديارن بعيدات

اليا لفاها الضيف يبشر بترحيب || جت السمينة من يدين(ن) كريمات

عند الجماعه أفتخر والأجانيب || إني ربيت ابيت راع الصعيبات

حلال عسرات الامور النواشيب || ماكنها عنده نشيبة و عسرات

الله يهونها على العود ويطيب || ويغفرله الله ويرحمه لكل مافات

يابوي لافترت اعظامك من الشيب || اخذ من اعظامي عظام(ن) بديلات

يومنها حر وشموس و لواهيب || يصير ظلك فوق راسي مظلات

ويومنها برد(ن) يسل العراقيب || دفاني بشتك واحتظني من الذات

تعطي ولا ترجي وراها مكاسيب || الا من الله رب عرش السماوات

يمناك لامدت تمد مدها غيب || كنك تقول الطيب يا ناس بسكات

علمتني ان الكرم والعذاريب || ماتجتمع لو يرجع الحي لامات

وانا ولدك اللي قضبت المقاضيب || في طاعتك ملزوم في كل الأوقات

دامك بوسط البيت تامر و انا اجيب || ماعذربت بيتك اطوال العمارات

صوتك و صوت امي اكبار المكاسيب || لايابعد صوتي وبعد كل الأصوات

[ابو عبد العزيز]

بارك الله فيكم قصيده معبره عن الوالدين فهم كل شي في حياة الانسان ولكن كثير تناساهم وتناسى مابذلوه من اجله وكيف ربوه وتعبوا في تربيته وبعد ان كبر وقويت شوكته راح وتركهم يصارعون مشاق الحياه وصعوبة العيش بمفردهم فلا تجد زياره ولا كلمه طيبه الا من رحم ربك والسلام عليكم
...............
....
.

[أضواء الشرقية]

الله يحفظ لنا والدينا و يرزقهم برنا و يرزقنا رضاهم يارب

"" و قضئ ربك الا تعبدوا الا اياه و بالوالدين احسانا""

الله يجزاك كل خير مشرفنا أبوعبدالعزيز و بارك الله فيك