أتـــردد للمكـآن

[أضواء الشرقية]

[ أتـــردد للمكـآن ]

// يقول الشاعر //

أتـــردد للمكـــان اللــــــي انــت فيه
كني فاقــد شـــي في ذاك المكــــــان

أتعــذر بأي شــي واســـــــأل عليــه
والولـــه في نظـــرة عيونــــي يبان

إن سألـــت أقــــــول لي شـي وأبيه
بــس مـدري وين في ذا الركن كان

غالي الاثمان .. يبشـــــر من لقيــه
ضــاع منـــي ضـــاع والدنيـــا أمان

ان عزمـــت أشـرح غرامي وابتديه
وانتقـي أحلـــى عبــــارات الحنـــان

شفت عينـــك تعصر بقلبي وحكيــه
وأنســى كل اللي جمعته من زمــان

كيف أقــاوم رمــــــش به كبر وتيه
كيف أوضح .. ما يطاوعني اللسان

تلعــب بقلبي .. وقلبــي انــت فيــه
مثل لعب العاصفــــــه بالخيـــزران

آه لـــو تــــدري بجــرح أشتكيـــــه
في خفايـــا الروح حبــــك له كيـان

أعشقك واللي عشق وش في يديه
يصبــــح بهم ويمســـــي في هوان

كلمـآت
آلشآعر الامآرآتي سآلم سيف الخآلدي