صدور الدجاج بطريقة جديدة

[جوري]

هاذي الصوره عشان تتحمسون ..

http://m002.maktoob.com/alfrasha/up/543688647609862815.JPG


وما له داعي اقول لكم شقالو عنها الناس اللي كلوها يوم سويتها ..
يعني من الشكل ...اتخيل الكل راح في عالم آخر ..
بس لين تاكلونها الشعور غيــــــــــــــــر من جد خيآآآآآآلي ..



~ المقادير

صدور دجاج
فلفل
ملح
~
جبن شرايح
زيتون
مشروم
~
بيض
بقسماط
دقيق
اعواد اندومي



~ الطريقه

أولا : تاخذين صدور الدجاج ...تحصلينها جاهزه في السوبر ماركت ..
وتقطعينها الى شرايح طوليه ...طبعا هي بتكون طوليه من الاساس ..بس اذا كانت عريضه قصيها من النص عشان تصير خفيفه شوي ..
اخذي كل صدر وتبليه بالملح والفلفل على حده ..


ثانيا : خلصتي تتبيل الشريحه ..
تاخذين الزيتون والمشروم وتقطعينهم شرايح ..وجبن الشرايح هو يكون مربع ...قطعيه على شكل مستطيلات ..
الان حطي الشريحه على الصينيه ..وفي الطرف العلوي منها ...
حطي قطعه مشروم وقطعتين زيتون وقطعه جبن ..


ثالثا : لفي الشريحه بشكل اسطواني ..واخذي اعواد الاندومي ودخليهم فيها من الوسط ..
علشان ما تنفتح ويطلع اللي داخلها ...
راعيه الموضوع كانت مستخدمه اعواد اسنان ..بس انا استعملت اعواد اندومي ..وكله يفي بالغرض ..


رابعا : اخذي الشريحه خليك ماسكتها بالعود وبعنايه عشانما تنفك ..
غطسيها في البيض ومن الدقيق وبعدين البقسماط ..
واذا حسيتي البقسماط مو راضيه تلزق ...رجعي غطسيهافي البيض وبعدين غطسيها في البقسماط ..


خامسا : اخذي الاعواد وحطيها في مقلايه مسطحه بزيت قليييل ..قد اللي تتماسك ..
بعدين افتحي الفرن ودخليها فيه الين ما تحسين انه لحم الدجاج صار مطبوخ وقابل للاكل ..


اتمنى يكون الشرح واضح ..ادري انه مو لهناك ..بس يللا ..انتو تفهمون بسرعه


طبعا ما يحتاج اقول لكم انه على ضمانتي كل محبي الدجاج رح تعجبهم الطبخه ..
وشكلها كشخات لين تسوينها في عزيمه ..
بس مشكلتها يبي لها صدور واجد .. .يعني اللي عزايمهم كبيره واعدادها مهوله ..بتصير مكلفه عليهم شوي

صحتين وعوآفي

[أضواء الشرقية]

تسلمين.....

الله يعطيج العافية و ننتظر جديدج ........

[جوري]

الله يسلمك مشكورة على مرورك العاطر

بارك الله فيك

[اصل الماسة]

يسلموووووووو ع الوصفة الرائعة
موفق بإذن الله ... لك مني أجمل تحية .

[جوري]

الله يسلمك

مشكورة بارك الله فيك وجزاك الله خيرا